Persunas ch'han bandunà l'Ucraina ed èn fugidas en Svizra lavurassen gugent dapli. Tenor ina retschertga incumbensada dal Secretariat da stadi per la migraziun (SEM) per la Scol'auta spezialisada da Berna èn
- 15% emploiadas
- 36% èn en tschertga d'ina lavur
- 27% part d'in program d'occupaziun u fan ina scolaziun
Ulteriurs 36% han inditgà ch'els ed ellas sajan interessadas da lavurar en Svizra.
Tenor la retschertga augmentassan dentant trais quarts da las persunas che lavuran gugent lur pensum. Datas dal Secretariat per migraziun e dals chantuns mussan che persunas cun status S han en media in pensum da 70%, 46% lavuran cumplain.
Buna scolaziun ed il giavisch per dapli sustegn
7 da 10 persunas dumandadas han tenor atgnas indicaziuns in diplom d'universitad. Radund 40% inditgeschan er ch'ellas hajan bunas enconuschientscha d'Inglais.
Ils champs professiunals ils pli derasadas tar persunas cun Status S en Svizra èn «economia, administraziun e dretg» ed «inschigneria, industria elavuranta e construcziun».
La persunas dumandadas giavischan dapli sustegn tar la tschertga da lavur ed er tar l'emprender ina da las linguas naziunalas. Il SEM scriva, ch'i dettia gia talas offertas tar ils chantuns.
Tar la retschertga s'èn participadas bunamain 2'000 persunas tranter 16 e 59 onns.
