Siglir tar il cuntegn

Header

cuntegn

Retschertga Sotomo Alain Berset vinavant popular malgrà «Corona Leaks»

Tenor ina retschertga da l’institut da perscrutaziun Sotomo per incumbensa da la «NZZ am Sonntag» è il cusseglier federal Alain Berset vinavant popular tar il pievel malgrà l’uschenumnada affera «Corona Leaks». Sia popularitad saja identica sco tar ina retschertga sumeglianta che Sotomo aveva fatg en October per incumbensa dad SRF.

Berset na duai beg demissiunar

Remartgabel saja che in terz da las persunas dumandadas na crajan betg a Berset ch’el n’haja savì nagut da las indiscreziuns en ses departament. Tuttina na veglian 64% dals dumandads savair nagut d’ina demissiun da Berset, sco che politichers da la PPS pretendan.

La retschertga da datas è vegnida fatga tranter ils 24 ed ils 26 da schaner online cun 1'558 persunas cun il dretg da vuschar en svizra franzosa e tudestga.

audio
Per tadlar: curt e cumpact
ord RTR Audio dals 29.01.2023.
laschar ir. Durada: 1 minuta 11 Secundas.

RTR novitads 12:00

Artitgels legids il pli savens