La differenza tranter las opiniuns politicas da dunnas giuvnas ed umens giuvens n’è dapi 30 onns betg stada uschè gronda sco ozendi. Quai rapporta la «NZZ am Sonntag» che sa referescha ad ina retschertga da l’institut da perscrutaziun Sotomo. Concret sajan las dunnas giuvnas sa posiziunadas pli e pli sanester, entant ch’ils umens giuvens hajan mussà pli e pli ina tenuta dretga.
Actualmain sa quintian 52% da las dunnas tar la sanestra. Il 2010 eran quai anc 35%. La cumpart dals umens che represchentian valurs da la dretga saja il medem temp s’augmentà da 29% sin 43%.
Sotomo ha analisà tut las votaziuns dapi il 1990. Tenor l’institut datti er in foss da gender pli grond tar generaziuns pli veglias. Quai haja cunzunt da far cun il nov moviment feministic, uschia Sotomo.
Or da l'archiv:
