Return dal dschihad Nagin arrest preventiv

Persunas che turnan or dal dschihad na duain er en avegnir betg vegnir arrestadas preventiv. Quai ha decis il Cussegl dals chantuns. L’arrest preventiv è cun quai giud maisa.

Autur: SDA / Lea Livers

In arrest preventiv na giaja betg a prà cun il stadi da dretg e la convenziun europeica per ils dretgs umans. Al terrorissem stoppian ins far frunt cun ils instruments dal stadi da dretg, ha argumentà la Cumissiun per la politica da segirezza.

Gia oz possian ins ordinar in’arrest d’inquisziun, ha ditg la ministra da giustia, Karin Keller-Sutter.