Siglir tar il cuntegn

Header

Legenda: Keystone
cuntegn

Rimnar suttascripziuns La sanestra vul impedir il F-35

Mardi han la PS, ils Verds e la Gruppa per ina Svizra senza armada GSoA cumenzà a rimnar suttascripziuns. Per ils adversaris è l'aviun da cumbat F-35 memia char. Plinavant na saja l'independenza betg dada cun in aviun american.

Iniziativa cunter il F-35 («Stop F-35»)

Avrir la box Serrar la box

L'iniziativa vul fixar il scumond da cumprar quest aviun da cumbat en la Constituziun federala. Il budget da l'armada stuess vegnir adattà.

La «disposiziun transitorica davart l'organisaziun, scolaziun ed equipament da l'Armada svizra» vala fin l'entschatta 2040. Uschia ch'il scumond valess era fin lura.

Sche l'iniziativa vegniss en votaziun duvrassi dasper la maioritad dal pievel er anc la maioritad dals chantuns.

Il Cussegl federal haja ademplì sia obligaziun cun in process d'acquisiziun correct, di Viola Amherd. Uss haja il pievel da decider. La reproscha da la sanestra ch'il Cussegl federal sfarlattia gist uss en temp da corona daners da taglia, na lascha Amherd betg valair.

Nus na cumprassan betg in Ferrari sch'in VW tanschess.
Autur: Viola Amherd Cussegliera federala

RTR novitads 12:00

Artitgels legids il pli savens

Scrollar a sanestra Scrollar a dretga