L'assicuranza Mobiliar sa participescha cun 25% vi da la chasa editura Ringier. Quai communitgeschan las duas interpresas. Ringier e la Mobiliar collavuran gia dapi 4 onns en in Joint-Venture cun Scout 24.
Davart il pretsch da cumpra n'èn las duas interpresas betg s'exprimidas.
Omaduas interpresas speran uschia sin dapli avantatgs tar la digitalisaziun. L'assicurader survegn dus sezs en il cussegl d'administraziun da la chasa da medias. Ringier ch'edescha tranter auter er il Blick fa radund 70% da ses gudogn operativ cun purschidas digitalas.
RTR novitads 15:00
