Siglir tar il cuntegn

Header

purtret dad in dals autotests da Roche.
Legenda: In dals autotests da Roche. Keystone
cuntegn

Roche Stretgas da furnir tests da corona

Pervi da la gronda dumonda, na po il concern da farma Roche betg pli furnir autotests a las apotecas. Pir a partir da l'entschata da l'emna proxima giaja quai puspè.

A partir da lura vegnia Roche puspè a pudair furnir plirs tschient milli tests a di a las apotecas, ha communitgà Roche sin dumonda da l'agentura da novitads Keystone-SDA. Els partan dal fatg ch'i sajan abels da cuvrir en il decurs da l'emna l'entira dumonda per tests.

Roche haja dapi ch'i hajan la lubientscha speziala l'entschatta mars, repartì radund 9 milliuns autotests ad apotecas. Er venderdi hajan ins repartì passa in mez milliun tests a clientella svizra. Cun quai saja la dumonda en Svizra vegnida cuvrida per la pli gronda part.

Tenor rapports da medias e da perditgas haja dà gia sonda stretgas tar la furniziun, uschia ch'ins haja pudì retrair be pli in test. Mesemna aveva l'uniun d'apotecas Pharmasuisse anc declerà che Roche possia furnir in milliun tests a di.

RTR novitads 12:00

Artitgels legids il pli savens

Scrollar a sanestra Scrollar a dretga