Siglir tar il cuntegn

Header

cuntegn

Rument radioactiv Trais lieus pussibels en Svizra

Ils trais lieus previs per deponer rument radioactiv en Svizra èn adattads. A questa conclusiun vegn la Nagra, Societad naziunala per il deposit da ruments radioactivs radund in onn e mez suenter ch’ella ha cumenzà a far sondagis profunds.

Ils trais lieus sa chattian en ils chantuns Argovia, Turitg e Turgovia. Tranter ils lieus adattads dettia dentant grondas differenzas pertutgant las circumstanzas, sco per exempel la cumposiziun geologica e la profunditad dal lieu. Per chattar il lieu ideal stoppian ins probabel far ulteriurs sondagis.

Tenor atgnas indicaziuns veglia la Nagra annunziar il pli baud il 2022 per tge lieu ch’ins veglia inoltrar a la Confederaziun la dumonda da permissiun generala. A la fin sto lezza numnadamain decider en chaussa.

RTR novitads 12:00

Artitgels legids il pli savens