La persuna ch'era vegnida blessada grev sonda bun'ura en ina lavina a Saas-Fee, n'è betg en privel da vita. Ella survegnì ruttadiras e sumegliantas blessuras. La lavina aveva sutterrà 16 persunas. Tuttas han pudì vegnir spendradas.
Tut en tut èn nov persunas vegnidas blessadas. L'identitat da las persunas tschiffadas n'era anc betg sclerida, ha declerà la Polizia chantunala dal Vallais. La procura publica dal Vallais ha instradà investigaziuns. Durant quellas vulan ins er sclerir l'andament dals schabetgs. Il privel da lavinas è stà moderà.
La lavina è sa distatgada en il Saastal al Alphubel, sin radund 4'000 meters sur mar ed ha stgarpà cun 16 skiunzas e skiunzs. Sco la polizia ha communitgà saja il cugn da la lavina stà 200 meters lartg e saja stà sin radund 3'700 meters sur mar en in territori autalpin. Ina mobilisaziun gronda è stada en acziun per il salvament. Total èn tschintg helicopters e blers auters gidanters e gidantras stadas en acziun.
