Siglir tar il cuntegn

Header

video
Polizia pronta la dumengia saira a la staziun da Son Gagl
Or da News-Clip dals 05.04.2021.
laschar ir
cuntegn

Saira ruassaivla Blera polizia a Son Gagl impedescha ulteriurs cravals

  • La polizia da la citad da Son Gagl tira ina bilantscha positiva da l'acziun, suenter che novs appels a violenza eran cumparids en las medias socialas.
  • Blers policists han procurà per ina saira ruassaivla a Son Gagl, la dumengia da Pasca.
  • 500 persunas han stuì bandunar il center da la citad tranter las 18:00 e las 01:00, la polizia als ha tramess davent.
  • Suenter controllas da persunas èn 60 persunas vegnidas arrestadas, per sclerir eventuals delicts, ha la polizia da la citad da Son Gagl annunzià.

Ina gruppa da persunas ha la polizia controllà, ch’era en possess da 2,5 liters spiert dad arder e pitschnas buttiglias vidas. Quest material pudess ins malduvrar per preparar explosivs da molotov.

La polizia sezza n’ha betg duvrà muniziun da gumma u gas lacrimogen. Cravals n’haja betg dà, persunas na sajan betg vegnidas blessadas e donns n’hajan els betg constatà – ha la polizia da Son Gagl communitgà.

Agì a moda preventiva

Suenter ch’ils novs appels a violenza avevan fatg la runda en las medias socialas, aveva la polizia annunzià la dumengia da Pasca, ch’els fetschian controllas extendidas da persunas. Plinavant tramettia la polizia davent persunas che veglian far craval, u tals che vegnian per spira mirveglia. Er la regenza da la citad aveva appellà a la populaziun da betg suandar als cloms a violenza.

RTR novitads 23:00

Artitgels legids il pli savens

Scrollar a sanestra Scrollar a dretga