Ils kinos svizzers han vendì 4,3 milliuns bigliets da kino e registrà 67 milliuns entradas l’onn 2020. Quai munta ina reducziun da 65%, cumpareglià cun l’onn avant – sco l’Uffizi federal da statistica ha communitgà.
E preschentaziuns da films en kinos svizzers hai dà l’onn passà mo la mesadad. Vitiers è la spierta da films novs sa reducida per 43%.
Bun per films svizzers
Il davos onn da kino ha dentant era varts pli postivas. La part dal martgà dals films svizzers è numnadamain creschida sin 14%, quai è in record. E tenor l’Uffizi federal da statistica n’ha quai betg mo da far cun il fatg, che bler damain films americans èn vegnids en ils kinos svizzers.
Numnadamain era tar las cifras absolutas vesi ora bain per il film svizzer. Passa la mesadad da las entradas ha fatg il film «Platzspitzbaby». Sia auta cumpart al martgà da 17% è era sa resultà, perquai ch’il film è arrivà il schaner 2020 en ils kinos da la Svizra tudestga, pia avant il lockdown.