L'interprendider da turissem, Samih Sawiris, crititgescha las mesiras che la Svizra ha prendì cunter la pandemia. Ils sforzs che la Svizra fetschia per salvar persunas sut 60 onns da Covid-19 na stettia en nagina relaziun cun ils donns economics, ha l'investider egipzian ditg en in'intervista cun la SonntagsZeitung. El na chapeschia betg quai, di Samih Sawiris.
Fin uss haja dà pli pauc che 200 mortoris en questa gruppa da vegliadetgna. Plitost gudogn'ins en il lotto, che da murir da Covid-19.
Politicamain incorrect
I saja dentant politicamain incorrect d'exprimer tals dubis. Daners sala vita umana, ed il aut nivel dal sistem da sanadad da la Svizra custa daners. Daners che vegnia gest destruì. Sch'els avessan be in dieschavel da questa summa pudess ins salvar tschientmillis da vita en terras sco l'Egipta, ha Sawiris detg.
Sin Twitter hai dà bler antipatia per las ideas da Sawiris.
Ord l'archiv
Samih Sawiris, l'investur e milliunari egipzian che bajegia ad Andermatt quasi in nov vitg è um da fatschenta, è cosmopolit, è nunpolitic ed è cristian coptic. Ed el ha laschà vegnir a café tar el a chasa, per ina marella ch'emprova da mussar el en sias differentas rollas.