Siglir tar il cuntegn

Header

cuntegn

Sanadad publica Coordinar meglier e mobilisar pli savens ils confamigliars

Coordinar meglier e mobilisar pli savens ils confamigliars, uschia duai la sanadad publica en Svizra dar dumogn a las sfidas da la societad che vegn adina pli veglia. Quai saja pussaivel senza dapli persunal.

A questa conclusiun vegn il program da perscrutaziun naziunal «provediment da la sanadad». Perquai duvrassi ina meglra coordinaziun tranter las bleras persunas dal fatg che sajan participadas a la tgira. Tar la sanadad publica en Svizra, ch'è organisada decentral, saja questa coordinaziun difficila. Uschia na vegnan las resursas umanas e materialisticas che sajan avant maun savens betg duvradas optimalmain.

Vinavant saja necessari d'integrar dapli il conturn privat. Cun quella moda da la tgira possia vegnir spargnà custs. En connex cun quest project naziunal èn vegnids realisads 34 projects scientifics che han custà 20 milliuns francs.

audio
Per tadlar: curt e cumpact
ord RTR Audio dals 19.01.2023.
laschar ir. Durada: 1 minuta 2 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga