Siglir tar il cuntegn

Header

audio
Il comité Gea a la lescha per il clima di, la midada dal clima pertutga fitg il Grischun
Or da Actualitad dals 17.04.2023. Maletg: RTR
laschar ir. Durada: 4 minutas 9 Secundas.
cuntegn

Savognin Cumbat per la lescha per il clima è lantschà

Ils 18 da zercladur vegn votà a l’urna davart la lescha per il clima. Il comité grischun a favur da la lescha ha preschentà il glindesdi ses arguments. La lescha prevesa duas milliardas francs subvenziuns per sanar stgaudaments, ed 1,2 milliardas per l’industria e la mastergnanza.

Grazia ad in program d’impuls vegnan promovids cun la lescha il remplazzament da stgaudaments e la sanaziun d’edifizis. Plinavant sustegna la Confederaziun interpresas che reduceschan las emissiuns e che promovan tecnologias innovativas. Fin l’onn 2050 prevesa la lescha che la Svizra daventia neutrala al clima. La lescha duess vegnir finanziada tras daners generals da la Confederaziun.

Jau sco directur turistic vesel tge problems che nus avain. I vegn adina pli e pli chaud. E quest enviern avain nus era vis ch'i n'ha betg naiv.
Autur: Kevin Brunold Deputà Allianza dal Center Grischun
Bündner Ja-Komitee zum Klimagesetz.
Legenda: Anna Giacometti (PLD), Sandra Locher Benguerel (PS) e Samuele Censi (PLD) han preschentà a Savognin ils arguments a favur da la lescha. RTR
Nus avain chattà ina buna soluziun, in bun cumpromiss giu Berna, per cuntanscher ils objectivs da nulla emissiuns enfin il 2050.
Autur: Anna Giacometti Cussegliera naziunala liberala

Daners da promoziun

Il project da lescha metta il rom da la politica da clima e cuntegna mesiras da promoziun concretas. Ulteriuras mesiras per cuntanscher la finamira da la politica da clima ston vegnir regladas dal parlament en autras leschas, en spezial en la lescha da CO2. Cunter questas leschas pon ins lura anc far il referendum. Il pievel ha cun quai la finala l’ultim pled.

PPS è cunter la nova lescha 

audio
Per tadlar: curt e cumpact
ord RTR Audio dals 18.04.2023.
laschar ir. Durada: 1 minuta 5 Secundas.

La lescha è la cuntraproposta indirecta a l'iniziativa dal glatscher. Il parlament ha approvà la lescha, che prevesa che fin il 2050 saja la Svizra neutrala al clima. La Partida populara svizra ha sinaquai fatg il referendum cunter la lescha. Tenor la partida èla lescha davart las finamiras per proteger il clima in scumond d'ieli per stgaudar, da benzin, da diesel e da gas. Stgaudar u ir cun auto saja lura be pli pussaivel cun electricitad. Quai vegnia ad auzar fitg il consum d'electricitad en Svizra. E quai en in temp cun il privel d'ina mancanza d'energia. La proposta dal parlament saja ina «lescha magliacurrent».

audio
Per tadlar: curt e cumpact
ord RTR Audio dals 18.04.2023.
laschar ir. Durada: 1 minuta 7 Secundas.

RTR actualitad 17:00

Artitgels legids il pli savens