Per l'agricultura svizra va in onn difficil a fin. Temperaturas bassas la primavaira e las capriolas da l'aura durant la stad han procurà che la racolta da puma e legums è pli pitschna – saja quai carottas, tschagulas u era tartuffels. Tenor il servetsch d'infurmaziun agricol LID è la racolta sut il nivel da l'onn passà.
Era tar il latg hai dà ina reducziun tenor l'organisaziun da producentas da latg svizra per 0,6%. Auter tar ils products or da latg, sco quarc e chaschiel, là è la dumonda creschida. Plinavant è il 2023 era vegnì importà dapli porducts da latg sco chaschiel e paintg. L'export da chaschiel haja pervia da l'inflaziun dentant pattì.
Pumaraida ha profità da l'aura chauda
La pumaraida percunter ha profità da las cundiziuns da l'aura cun ina racolta pli gronda. Uschia ha l'aura favurisà il zercladur en las vignas la racolta da las ivas, entant ch'in fanadur pli frestg n'ha betg chaschunà donns, dentant franà il creschament.
