Siglir tar il cuntegn

Header

video
Cussegl federal schlucca pli fitg che spetgà
Or da Telesguard dals 23.06.2021.
laschar ir
cuntegn

Schluccadas Alain Berset: «Nus ans pudain lubir in pass pli grond»

Il Cussegl federal ha decis ulteriuras schluccadas. Quellas van per part pli lunsch che proponì avant duas emnas – en general vegnan las mesiras actualas reducidas e simplifitgadas. Las novas reglas valan a partir da sonda, ils 26 da zercladur.

Las decisiuns dal Cussegl federal

Avrir la boxSerrar la box
  • L'obgligatori da mascrina en il liber scroda. Quai vala er per exempel per terrassas, staziuns da tren u plazzas publicas. Il Cussegl federal recumonda dentant vinavant da purtar mascra, sch'ins na po betg tegnair avunda distanza.
  • L’obligatori da homeoffice vegn abolì. Enstagl da l'obligatori vala uss ina recumandaziun da lavurar da chasa anora. Er en biros e scolas na vala nagin obligatori da purtar mascra pli. Ils patruns ston dentant decider sez tge che vala en lur biros.
  • Nagina limita da persunas vid ina maisa en in restaurant. Endadens ston las persunas dentant vinavant seser. Tranter las gruppas vala vinavant la regla da distanza. Sch'ins na sesa betg vid la plazza sto vegnir purtada ina mascrina. Ina persuna sto dar las datas da contact.
  • Sport e cultura: dador na datti naginas restricziuns pli. Endadens ston ins vinavant rimnar las datas da contact. Concerts da chor èn er lubids endadens.
  • Fatschentas, studios da fitness, centers da sports e parcs d'aua dastgan puspè avrir senza restricziuns.
  • Clubs e discos dastgan puspè avrir: dentant mo cun il certificat da covid.
  • Vacanzas: Tgi che vegn ord in pajais da Schengen en Svizra na sto betg pli ir en quarantina. L’obligatori da test vala mo pli per persunas ch’èn anc betg viroladas ni guaridas.

Anc adina vala: Endadens sto vegnir purtada ina mascrina. Tar inscunters privats datti ina limita da 30 persunas (50 persunas dador).

L'obgligatori da mascrina en il liber scroda, il obligatori da homeoffice vegn abolì, nagina limita da persunas vid ina maisa en in restaurant. Anc adina vala: Endadens sto vegnir purtada ina mascrina. Quai mo intginas da las schluccadas.

Tenor Alain Berset sajan ins en ina situaziun envilgiabla. Surtut en congual cun auters pajais saja la Svizra en ina buna situaziun. Perquai possian ins er far in pass pli grond. Er tar las davosas schluccadas n'haja dà nagin svilupp negativ.

«Betg esser da levsenn»

Malgrà schluccadas: la pandemia na saja anc betg a fin, intunescha Alain Berset. Blers pajais n'hajan per exempel anc nagin access a las vaccinaziuns. In virus vegnia a cursar vinavant. Quai vegnia vinavant a giugar ina gronda rolla. En il mument sa chattia la Svizra anc adina en la fasa da stabilisaziun, uschia Berset vinavant. Ord quest motiv stoppian ins vinavant esser attent.

video
Berset: «Betg tut las mesiras èn vegnidas abolidas»
Or da News-Clip dals 23.06.2021.
laschar ir

Varianta delta vs. Vaccinaziuns

Il cusseglier federal menziuna er la «varianta delta» dal virus. Davart quella saja anc bler betg enconuschent. Il minister da sanadad discurra dad ina sort «cursa» tranter las vaccinaziuns e las mutaziun. Ins saja dentant preparà bain uschia che las vaccinaziuns duessan gudagnar la cursa.

video
Berset: «Ina concurrenza tranter vaccinaziuns e varianta delta»
Or da News-Clip dals 23.06.2021.
laschar ir

Malsegirezza tar certificats da corona

La protecziun d'ina vaccinaziun vegn prolungà da sis sin 12 mais (certificats da persunas guaridas valan vinavant sis mais). Fin uss hajan ins dà or total passa dus milliuns certificats da corona.

Actualmain na reconuschia l'Uniun Europeica dentant betg ils certificats svizzers. In'ordinaziun correspondenta duai ir en vigur il prim da fanadur. Pir lura vesian ins, sche per exempel l'Italia reconuscha ils certificats svizzers.

audio
Cussegl federal schlucca pli fitg che spetgà – daco?
04:56 min, Actualitad dals 23.06.2021.
laschar ir. Durada: 04:56 minutas.

RTR novitads 14:00

Artitgels legids il pli savens

Scrollar a sanestra Scrollar a dretga