Il mument transporteschia la Posta tuttina blers pachets sco il temp avant Nadal, ha ditg il schef da la Posta, Toberto Cirillo en in'intervista cun las gasettas da «CH-Media». Mesemna passada hajan els gì tant volumen sco uschiglio be durant il di da cumpras grondas, Black Friday. Ed els furneschian actualmain trais giadas dapli mangiativas ch'usità. Perquai dettia lungas glistas da spetga.
Betg realistic è tenor Cirillo che la Posta augmentia a curta vista sias capacitads. E quai che pertutga la posta A, n'èsi betg pli garantì che quell'arrivia adina il proxim di. Plinavant hajan ins reducì ils temps d'avertura da tschertas filialas e serrà intginas.
