En il chantun Vad ston 2'500 studentas e students da la scola d'hotellaria da Losanna EHL ir en quarantina. I pertutga l'entir rom da studi da Bachelor, var 3/4 da l'entira scola. Tenor communicaziun vala l'isolaziun fin ils 28 da settember. La decisiun saja crudada ensemen cun l'uffizi da sanadad dal chantun, il departament da sanadad ed il departament d'educaziun.
Lieu d'infecziun èn festas
Las autoritads supponan che las infecziuns sajan succedidas sin pliras festas e partys anc avant ch'il chantun ha rinforzà las mesiras da corona ils 15 da settember. L'instrucziun duai succeder online. La scola haja plinavant instradà tut las mesiras necessarias da las mesiras da protecziun d'igiena.
Ord l'archiv
L'applicaziun SwissCovid stat a disposiziun per in e scadin. Quella app duai avisar sch’ins ha gì contact cun ina persuna che ha il coronaviurs.
