L'iniziativa dal pievel che vul cumbatter il tegnair animals en massa è reussida formalmain, ha communitgà la Chanzlia federala. Da radund 106'500 suttascripziuns inoltradas ils 17 da settember èn radund 106'100 valaivlas.
L'iniziativa «Na a l'allevament intensiv en Svizra» pretenda ina midada da la constituziun davart il tegnair animals en l'agricultura. La Confederaziun duai proteger la dignitad da l'animal. Concret duai la Confederaziun definir criteris davart l'allevament, la tgira dals animals, l'access en il liber, la meztga sco er davart la grondezza da gruppa per stalla.
Davos l'iniziativa stattan 15 organisaziuns per la protecziun dals animals e da l'ambient. Per realisar l'iniziativa è previs in temp transitoric da maximalmain 25 onns. Ella vegn sustegnidas da bleras partidas, davent dals Verds enfin la Partida populara.
Ord l'Archiv:
RR novitads 16:00
