Siglir tar il cuntegn

Header

cuntegn

Segundas abitaziuns Cumpart da vischnancas cun dapli che 20% resta stabila

Il dumber da vischnancas ch'han ina cumpart d'abitaziuns secundaras sur 20% è pli u main restà stabil en Svizra. Tenor inventari han 339 vischnancas svizras ina cumpart da dapli che 20%. L'onn passà eran quai anc 334. Quai communitgescha l'Uffizi federal da svilup dal territori.

Las bleras da quellas abitaziuns secundaras sa chattan en las Alps, las pre-alps, ma er en vischinanza da lais. En vischnancas cun dapli che 20% abitaziuns secundaras na dastgan talas betg pli vegnir bajegiadas dapi il 2013. En il Grischun ha Jenaz da nov passa 20% abitaziuns secundaras.

Da nov duain tut ils edifizis vegnir resguardads

Da nov vegnan era registrads edifizis nua ch'ins na po betg viver, sco per exempel stallas u edifizis da mastergn. Cun questa nova regla han pliras vischnancas constatà che tscherts edifizis ch'i n'han fin uss betg resguardà haja era gì abitaziuns. Per exempel n'èn avant betg vegnids resguardads tuttas tegias d'alp. Sch'i vegnan duvradas per l'economia d'alp, lura sajan quai emprimas abitaziuns e sch'i vegnan duvradas sco abitaziuns da vacanzas lura vegnan quellas registradas sco segundas abitaziuns. Uschia è per exempel a Jenaz vegnì constatà che la cumpart da segundas abitaziuns è pli auta.

RTR novitads 15:00

Artitgels legids il pli savens

Scrollar a sanestra Scrollar a dretga