Tgi che sto sfurzadamain lavurar da chasa ora, po dumandar in’indemnisaziun dal patrun. Quai ha decis il Tribunal federal l’avrigl passà, sco la «SonntagsZeitung» rapporta.
En il cas concret sto ina firma da fiduziaria pajar ad in emploià – ch'ella ha sfurzà da lavurar en homeoffice – in'indemnisaziun. Tenor sentenzia dal Tribunal federal ha l'um dabun 150 francs per mais per il fit-chasa. La sentenzia n’è dentant anc betg publitgada.
La gasetta citescha era l'expert da dretg da la lavur Thomas Geiser. Quel di che homeoffice pervi da corona na saja era betg voluntari, dentant mo temporar e perquai valian autras reglas.
audio
Per tadlar: Las novitads da las 09:00 uras
ord RTR Audio dals 24.05.2020.
Maletg: RTR
laschar ir. Durada: 3 minutas 7 Secundas.
