I duai restar scumandà a stadis da dar enavant armas ch'els han cumprà da la Svizra. Il Cussegl dals chantuns a renvià ina proposta da Thierry Burkart da la PLD cun 23 cunter 18 vuschs tar duas abstenziuns suenter in lunga debatta. La moziun vuleva lubir a stadis da vender material da guerra producì en Svizra ad auters pajais sche quels respectan las medemas valurs sco la Svizra.
Ulteriuras debattas davart il tema
En la sessiun da primavaira actuala tracta il parlament ulteriuras propostas areguard il dar enavant material da guerra svizzer. Uschia debattescha il Cussegl naziunal mesemna ina moziun da la cumissiun per la politica da segirezza che duai pussibilitar al Cussegl federal da lubir la surdada d'armas or da producziun svizra en tscherts cas.
