Siglir tar il cuntegn

Header

Giuvenils e giuvenilas en il parlament
Legenda: La sessiun federala da giuvenils è ida a fin dumengia saira. Keystone
cuntegn

Sessiun federala da giuvenils Petiziuns davart natiralisaziun u donaziun d'organs

La sessiun federala da giuvenils è ida a fin dumengia saira. Ils giuvenils han surdà petiziuns cun lur pretensiuns a la presidenta dal Cussegl naziunal Irene Kälin. Las participantas ed ils participants pretendan tranter auter ina procedura da natiralisaziun unifitgada, ina meglra infurmaziun da la populaziun davart la donaziun d'organs ed ina refurma da las rentas da la cassa da pensiun.

Ils participants e participantas, ch'èn en media 17 onns, han elavurà ils projects durant quatter dis en workshops. Experts e commembras dal parlament han sustegnì els. Quai è stà l'emprima giada suenter la pandemia che la sessiun ha gì lieu en furma usitada. Sco proxim vegnan las cumissiuns dal parlament a sa fatschentar cun quai. A la sessiun dals giuvenils èn sa participads var 200 giuvenils.

audio
Per tadlar: las novitads da las 06:00
ord RTR Audio dals 14.11.2022.
laschar ir. Durada: 6 minutas 20 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga