Suenter l’inscunter han omaduas varts declerà envers las medias che la collavuraziun tranter las autoritads durant la pandemia da corona funcziuna bain. Sommaruga ha ditg che l’atmosfera durant l’inscunter saja stada buna e constructiva ed er ch’i na dettia nagina crisa tranter ils chantuns e la Confederaziun.
Detagls betg enconuschents
Tge concret ch’igl è vegnì discutà n’è betg enconuschent. Il cusseglier guvernativ Christian Rathgeb, che presidiescha la Conferenza da las regenzas chantunalas, ha sulet ditg ch’ins haja tematisà cunzunt temas a curta vista, ma er a media e lunga vista. La finala na sappia nagin quant ditg che quella situaziun speziala cuzzia anc vinavant.
Dapli dal tema
video
Pandemia da corona: La Confederaziun vul ina meglra coordinaziun
Or da Tagesschau dals 18.08.2020.
laschar ir. Durada: 4 minutas 28 Secundas.
