L' Armada svizra vul engrondir sia infrastructura da scolaziun sin il pass dal Simplon per 30 milliuns francs. Gist en la vischinanza sa chattia però ina cuntrada da pass istorica, il «Stockalperweg» cun ils bajetgs «Alter Spittel» e «Barralhaus» che hajan muntada naziunala, scriva la Lia.
Cun construir ina pista da panzers teman ils protecturs da l'ambient dapli canera da sajettar, detonaziuns e stremblidas e sa dostan perquai vehementamain cunter ils plans.
La fin da fanadur ha era l'emissiun «Schweiz aktuell» rapportà dals plans e da l'opposiziun.
RR novitads 11:00