Spargnar vul la Posta tranter auter pervi da custs pli auts, ina luna da consum deprimida e damain brevs. Quai communitgescha l'interpresa.
Perquai vegnan pli probabel 110 plazzas cumplainas stritgadas. Pertutgadas sajan sulettamain plazzas en l'administraziun. Reducir veglian ins las plazzas per l'ina cun persunal che va pli baud en pensiun u cun reducir il pensum da lavur, scriva la Posta. Da l'autra vart possia quai er dar maximal 69 disditgas.
Las mesiras planisadas vegnian a contribuir ad ina Posta stabila cun finanzas saunas, hai num en la communicaziun. Uschia restia l'interpresa abla da concurrer en in ambient economic plain sfidas. Las uschenumnadas mesiras d'effizienza vul la Posta realisar a partir dal mars che vegn. Ina gronda part dals respargns duess succeder cun sbassar ils custs materials. Per exempel è previs d'armonisar anc pli fitg ils sistems d'informatica.
