Siglir tar il cuntegn

Header

cuntegn

Sport Cussegl dals chantuns vul in post d'annunzia per unfrendas d'abus

Il Cussegl dals chantuns vul in post d'annunzia per unfrendas d'abus en il sport. Il cussegl ha approvà ina moziun cun 26 cunter 17 vuschs, quai suenter ina discussiun intensiva e cuntroversa.

L'impuls per questa decisiun han dà ils uschenumnads «protocols da Magglingen», che la Tamedia ha publitgà la fin d'october. En quels raquintan otg gimnastas da prestaziun, co ellas sajan vegnidas maltractadas a moda psichica e fisica en il center da prestaziun da Magglingen. Dapi lura hai dà pliras demissiuns tar la Federaziun da gimnastica.

La moziun va sco proxim en il Cussegl naziunal.

«Betg be medaglias quintan»

La cussegliera federala e manadra dal Departament da sport, Viola Amherd, ha suenter la publicaziun dals protocols ditg, ch'en il sport na dastgian betg be las medaglias star en il center. Tar la promoziun dal sport stoppian aspects etics avair en l'avegnir dapli paisa.

RTR novitads 16:00

Artitgels legids il pli savens

Scrollar a sanestra Scrollar a dretga