Siglir tar il cuntegn

Header

cuntegn

Spustar operaziuns Cumissiun centrala d'etica pretenda criteris unitars per ospitals

Durant la pandemia da corona hajan ils ospitals e las clinicas stuì spustar operaziuns planisadas. Quai en ina dimensiun considerabla. Quest spustar na saja nagut auter ch'ina furma da trischascha, scriva la cumissiun centrala d'etica da l'Academia Svizra da las scienzas medicinalas. Criteris unitars co quella triascha saja da far, hajan però mancà. Gist quels sajan però impurtants per pudair garantir durant ina crisa che quella triascha resguardia ils principis da la protecziun da la vita, da la gistadad e da betg discriminar ina part da las pazientas e dals pazients.

Analisar e definir criteris

La cumissiun centrala d'etica cusseglia perquai d'analisar las spustadas d'operaziuns ch'i haja dà ils ultims dus onns. Plinavant dovria ina discussiun detagliada davart la tematica ed i stoppian vegnir elavurads criteris che duajan valair en l'avegnir per l'entira Svizra.

audio
Per tadlar curt e cumpact
ord RTR Audio dals 07.02.2022.
laschar ir. Durada: 1 minuta 11 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga