La claustra è memia gronda ed ha bler impediments per las mungias pli attempadas. Il mantegniment da la claustra è daventà in sforz per las otg mungias ch'èn restadas fin uss en la claustra Sontga Clara a Stans.
Enstagl da las chaputschinas è uss ina fundaziun responsabla per la claustra. Ella vegn a posseder las immobiglias e duai mantegnair ellas e l'iert da la claustra. Las valurs franciscanas duain vegnir mantegnidas e l'edifizi duai restar abità.
La fundaziun segirescha plinavant l'existenza da las mungias a Lucerna. Impurtant saja per ellas, da pudair restar ina cuminanza spirituala. Ellas midan en il center Sontga Anna a Lucerna la fin dal 2023.
audio
Per tadlar: las novitads da las 17:00
ord RTR Audio dals 06.02.2023.
laschar ir. Durada: 5 minutas 25 Secundas.
