Il 2022 èn var 500 persunas mortas en Svizra pervia da la chalira. Igl è il quart pli aut dumber dapi la midada dal millenni.
Il record negativ dal 2003 è però cleramain vegnì sutpassà. Quai mussa il nov rapport che l'Uffizi federal d’ambient ha publitgà. Il 2003 èn var 1’400 persunas mortas pervia da la chalira, bunamain trais giadas dapli che l’onn passà. In motiv pudess tenor il BAFU esser, ch’igl ha dà il 2022 pli paucas notgs tropicas en il Nord da las Alps.
L’onn passà è stà il pli chaud onn en Svizra dapi l’entschatta da las mesiraziuns l’onn 1864.
audio
Per tadlar: las novitads da las 16:00
ord RTR Audio dals 10.07.2023.
laschar ir. Durada: 2 minutas 53 Secundas.
