114 persunas èn en tut mortas en las muntognas en connex cun alpinissem l'onn 2023. Quai ha il Club Alpin Svizzer scrit en ina communicaziun a las medias.
Da quellas 114 persunas èn 73 stadas da l'exteriur, in bun tant dapli che anc il 2022. Lura èri stà 44, ils onns avant mintgamai 39, 30 ed il 2019 51 persunas. Da quels cas mortals èn il 2023 14 schabegiads en il Grischun.
En tut damain situaziuns d'urgenza
En tut èn 3'501 persunas vegnidas en ina situaziun d'urgenza, quai è damain ch'ils onns passads. Er tar ils cas mortals hai dà damain cas il 2023. Ins possia er vesair en las cifras ch'igl haja dà damain naiv, e perquai damain cas.
Tge ch'ins po er vesair en las cifras, cumpareglià cun ils onns passads, hai mintgamai dà dapli cas durant ils chauds mais d'atun.
