Siglir tar il cuntegn

Header

cuntegn

Statistica Covid er il 2021 terz pli frequenta raschun da la mort

Corona è il 2021 sco avant er il 2020 anc stà la terz pli frequenta raschun da la mort en Svizra. Quai communitgescha l'Uffizi federal da statistica.

Anc dapli persunas èn mortas pervia da malsognas dal cor e da la circulaziun e dal cancer. Tar var 27% dals morts eran malsognas cardiovascularas la raschun da la mort, e tar circa 22% eran quai tumors maligns. Bundant 8% èn morts d’ina infecziun da Covid-19, l’onn 2020 eran eran quai anc radund 12%.

Tar las ulteriuras raschuns da mort impurtantas tutgan per exempel demenza, malsognas da la via respiratorica, diabetes ed accidents. En egl dat che strusch insatgi è mort pervia da la grippa. Sulettamain il favrer èn vegnids registrads dus cas ed il december in cas d’influenza mortala.

En tut n'hai dentant betg pli dà uschè blers morts. L'onn 2020 èn en tut passa 76'000 persunas mortas e l'onn 2021 eran quai passa 71'000 persunas.

audio
Per tadlar: curt e cumpact
ord RTR Audio dals 20.12.2022.
laschar ir. Durada: 1 minuta 5 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga