La racolta dal 2020 è cun quai restada marcantamain sut la marca da l'onn 2018, ch'è stà in onn extraordinari. Raschun era stà la il bau-scorsa, l'extrema setgira la stad e stemprads durant l'enviern. Quai mussa la statistica forestala da l'Uffizi federal per statistica BFS.
8% dapli laina da dascharina e 3% pli pauc laina a feglia
Il 2020 han ins racoltà cun 3,4 milliuns meters cubics laina da dascharina 8% dapli che anc l'onn 2019. Dentant è il trend dapi il 2016 adina creschì. Cun 1,4 milliuns meters cubics laina da feglia – 3% pli pauc – cuntinuescha er qua il trend da la racolta che sa sminuescha en guauds svizzers.
Dapli laina manizzada
Analisas davart il diever da laina mussa che laina manizzada è il victur grond. Cun 1,2 milliuns meters cubics han ins duvrà il 2020 5% dapli tala laina. Quest trend crescha gia dapi il 2016. Persuenter sa sbassa mintg'onn il dumber da laina tagliada: da 0,75 milliuns meters cubics il 2016 sin 0,70 milliuns meters cubics l'onn 2020. La laina da mutagl resta la finala cun 2,3 milliuns meters cubics il sortiment il pli popular.
Laina da dascharina è la pli gronda cumpart dal sortiment, cun 2,1 milliuns cubics (+6%). Laina da feglia suonda sin plazza dus da la glista dal sortiment, cun cnap 0,6 milliuns cubics (-4%). Gist il bau-scorsa ha qua anc rinforzà il trend.
Plantà dapli laina da feglia pervi dal bau-scorsa
En l'economia forestala vegn planisà a lunga vista. Oz vegnan plantadas las plantas per la proxima generaziun. Sur tut en la Svizra Bassa èn vegnidas plantadas cunzunt plantas da feglia (563'000 plantas, +9%), fertant che pli paucas plantas da dascharina èn vegnidas plantadas (439'000 plantas, -8%).
En la perioda enfin l'onn 2018, nua ch'i ha dà gronds problems cun il bau-scorsa, era il trend anc cuntrari. Raschun è ch'experts spetgan midadas dal clima che discurran per dapli plantas da feglia, plinavant vegnan ins uschia da cumbatter il bau-scorsa.
Custs da 44 milliuns betg cuverts
Ils 660 manaschis forestals han nudà il 2020 entradas da 525 milliuns francs (-2%). Las expensas percunter han muntà a 569 milliuns francs (-1). Uschia resulta in cuvrida insuffizienta da 44 milliuns francs. Quai èn 5% dapli cumpareglià cun il 2019, 13% dapli cumpareglià cun la perioda dals onns 2016-2019.
Ils custs per cultivar ils guauds èn s'augmentads il 2020 lev (+2 CHF/ha), fertant che las entradas èn sa sminuidas lev (-4 CHF/ha). Uschia è il deficit per hectara s'augmentà per 6 francs sin minus 66 francs.
