Siglir tar il cuntegn

Header

cuntegn

Statistica da mortoris 2020 Il mars 2020 sa mussa Covid-19 sco in dals motivs principals

Il mars 2020 è corona stà il motiv principal da la mort tar 10% dals umens e tar 6% da las dunnas. Tenor l'Uffizi federal per statistica han 95% dals mortoris pertutgà persunas sur 65 onns. Plinavant avevan 91% da las persunas ch'èn mortas en connex cun Covid-19 malsognas accumpagnantas.

Vinavant malsognas dal cor, circulaziun e cancer sco motiv principal da la mort

Vesì sur ils emprims trais mais da l'onn 2020 èn sco gia ils onns passads, las pli bleras persunas mortas pervi da malsognas dal cor e la circulaziun sco era pervi da cancer.

I sa tracta però da cifras provisoricas perquai che anc betg tuttas annunzias èn arrivadas ed evaluadas da l'uffizi. Ins saja però sa decidì da publitgar ina versiun provisorica pervi da l'interess pli grond en il context da la pandemia. Normalmain cuzza l'elavuraziun d'ina statistica da mortoris bunamain dus onns.

audio
Per tadlar: Las novitads da las 12:00
ord RTR Audio dals 23.12.2021.
laschar ir. Durada: 5 minutas 14 Secundas.

RTR novitads 12:00

Artitgels legids il pli savens