Siglir tar il cuntegn

Header

cuntegn

Statistica Dapli Svizras e Svizzers han vivì l'onn passà en l'exteriur

Mintga 10avla persuna cun in pass svizzer ha vivì la fin da l'onn passà en l'exteriur. Quai èn var 788'000 persunas. Cumpareglià cun l’onn precedent è quai in augment da 1,5%, scriva l’Uffizi federal da statistica.

La gronda part dals Svizzers e las Svizras a l’exteriur hajan vivì en l’Europa, numnadamain 64% (501'600 persunas). Il pajais cun ils pli blers Svizzers e Svizras è la Frantscha cun var 203'900 persunas. En l'Europa seguan la Germania (96'600), l'Italia (50'500), il Reginavel Unì (38'900) e la Spagna (25'100).

Adina daplirs cun pass dubel

Trais quarts da las Svizras e dals Svizzers en l'exteriur possedian pliras naziunalitads. Quai reflecteschia la diversitad da la populaziun en Svizra. Dapi il 2017 è il dumber da Svizzers cun pass dubel s'augmentà per 5,3%.

En general sa lascha dir che dapli persunas cun pass svizzer bandunan la Svizra. Dapi il 1992 è il saldo da migraziun negativ. Pervia da la pandemia hajan ils davos dus onns pli paucas persunas bandunà la Svizra. Tenor ina prognosa da l'Uffizi federal da statistica vegnia quel dumber dentant a s'augmentar puspè ils proxims onns.




Ord l'archiv

Pertge bandunar la Svizra? Il 2018 avain nus dumandà las emigrantas ed ils emigrants a la conferenza da l'Organisaziun per Svizras e Svizzers a l'ester.

video
Daco han Svizzers bandunà la patria?
Or da RTR Social dals 10.08.2018.
abspielen. Laufzeit 1 minuta 49 Sekunden.

RTR novitads 10:00

Artitgels legids il pli savens

Scrollar a sanestra Scrollar a dretga