79% dals emprendists ed emprendistas han cumplettà lur emprendissadi tranter 2016 e 2020 senza schligiar il contract. 17% han schlià il contract ina giada e 4% schizunt pliras giadas. Radund in tschintgavel da quels ch'han rut giu l'emprendissadi n'han betg pli entschet in nov.
Fitg grondas differenzas datti tar ils differents secturs. Tar coiffeurs ed en la gastronomia han passa 30% dals emprendists ed emprendistas schlià il contract. Tar l'economia forestala eri be 10%. En general han dapli umens che dunnas rut giu l'emprendissadi.
Era grondas differenzas datti tar il dumber da quels ch'entschaivan puspè in emprendissadi. Là è la quota tar l'agricultura la pli auta (90%). En il sectur da sanadad fan be 67% ina segunda emprova.
Emprendists or da la regiun dal Lai da Genevra u dal Tessin han ina quota bunamain dubel uschè auta (30%) da rumper giu l'emprendissadi ch'emprendists ed emprendistas da la Svizra orientala (18%).
Or da l'archiv
Tgi che vegn datiers als examens finals ha bainbaud dumagnà l'emprendissadi.
