Sin las staziuns intensivas èsi anc mai stà uschè stretg sco uss dapi che la pandemia è rutta ora. Actualmain èn 81% dals letgs per il tractament intensiv occupads. Pazientas e pazients da Covid han occupà l’emna passada 40% dals letgs, l’emna avant eran quai anc 35%. Quai mussa il nov rapport da l’Uffizi federal da sanadad davart la situaziun epidemiologica.
Passa 77% da persunas ch'èn vegnidas tractadas dapi la fin schaner pervi da Covid n'èn betg vaccinadas.
Oz ha l'Uffizi federal da sanadad annunzià 11'070 cas confermads. La media da set dis è cunquai 4% pli bassa cumpareglià cun l'emna avant.
