La situaziun enturn il coronavirus en Svizra saja il mument stabila, però er fragila, ha ditg Stefan Kuster da l'Uffizi federal da sanadad. Aifer las ultimas 24 uras èsi vegnì registrà 405 novs cas, ier eran quai anc 469.
La finamira saja da stabilisar il dumber da las infecziuns e las ospitalisaziuns e sche pussaivel da reducir quel. La rata da positivitad saja il mument tar 3,1%. Vul dir; da 100 tests èn 3 positivs. Pertutgads il pli fitg sajan ils chantuns Genevra, Vad sco era Turitg nua ch'i dettia la mesadad dals cas. Auters chantuns annunzian be paucs cas.
La mesadad da las gruppas pertutgadas sajan en media pli giuvnas che 31 onns. Ins stoppia uss far attenziun che betg persunas pli veglias u persunas da la gruppa da ristg vegnan infectadas.
Actualmain circuleschan era anc auters virus.
Perquai datti era dapli persunas che visitan il medi. Cunquai vegnia era fatg dapli test da corona. La davos'emna èn vegnids fatgs bunamain 90'000 tests.
Ord l'archiv
L'app SwissCovid duai avisar sch’ins ha gì contact cun ina persuna che ha il coronaviurs. Il Minisguard declera co l’applicaziun funcziunescha e l’idea da quella.
