Siglir tar il cuntegn

Header

video
Stefan Kuster: «Las fadias portan fritgs»
Or da News-Clip dals 04.09.2020.
laschar ir
cuntegn

Stefan Kuster «Las fadias da la populaziun portan fritgs»

  • Stefan Kuster dal BAG sa preschenta anc betg preoccupà. En Svizra è la cifra da reproducziun actualmain anc adina sut in, declera el ad ina conferenza da medias da la Confederaziun.
  • Trais quarts dals cas sajan persunas sut 40 onns, be in quart pertutgia persunas pli veglias. La primavaira era quai cuntrari.
  • Il BAG vegn ad adattar la glista federala dals pajas e las regiuns cun ristg augmentà.
  • Davent dal 1. d'october èn occurenzas cun dapli che 1'000 persunas puspè lubidas. Ils chantuns ston approvar las occurenzas.

Emprima giada dapi mez avrigl sur marca da 400

Entaifer in di ha l'Uffizi federal da sanadad BAG annunzià 405 infecziuns novas cun il coronavirus en Svizra ed en il Principadi dal Liechtenstein. Cun quai èn las infecziuns novas per l’emprima giada dapi mez avrigl sur la marca da 400. Ier gievgia eran vegnids annunziads 364 cas novs, la mesemna 370 e mardi 216. Duas ulteriuras persunas èn mortas en connex cun Covid-19. En il Grischun èn actualmain 78 persunas en quarantina, 19 en isolaziun ed ina en ospital.

3 da 10 pajais da nov sin glista da pajais da ristg

La Croazia, l’Ucraina, ils Emirats Arabs Unids. Quai èn 3 dals 10 pajais ch’èn da nov sin la glista cun ils pajais da ristg da la Confederaziun. Tgi che vegn or dad uschè in pajais en Svizra sto s’annunziar tar las autoritads chantunalas e ir 10 dis en quarantina. La glista actualisada valia a partir da glindesdi, ha communitgà l’Uffizi federal da sanadad BAG. Stritgads da la glista vegnan otg pajais, tranter quels la Belgia ed il Luxemburg.

RTR novitads 15:00

Artitgels legids il pli savens

Scrollar a sanestra Scrollar a dretga