Siglir tar il cuntegn

Header

Navigaziun

Inundaziun
Legenda: Cunzunt la regiun il Lai da Genevra è stada pertutgada da las malauras. SRF
cuntegn

Stemprà e granella Ferms urizis en Svizra

En bleras parts da la Svizra hai ier saira dà ferms urizis. Ferm pertutgada dals urizis è stada la regiun enturn il Lai da Genevra. Là è ina turista morta tar in accident cun ina bartga. Quai ha communitgà la Polizia chantunala. Il museum d’art a Genevra resta serrà oz pervi dad in erupziun d’aua. Objects d’art na sajan betg vegnids donnegiads.

Er Svizra Centrala fitg pertutgada

A la Festa federala da gimnastica ad Aarau han ils organisaturs annullà ina preschentaziun per motivs da segirezza.

Ad Interlaken han ils organisaturs dal Greenfield Festival interrut il program per radund in’ura. En pliras parts da la Part Sura Bernaisa haja dà gronda granella.

Il stemprà ha per part furià cun ina spertezza da passa 110 kilometers per ura sur la Svizra. Quai rapporta Meteoschweiz.

RR novitads 06:00