In studi en il schurnal «Nature Communications» ha fatg las prognosas:
- Dus grads pli chaud muntass in aut ristg per in terz dals territoris da skis en Svizra.
- Quatter grads pli chaud muntass in aut ristg da mancanza da naiv per 99% dals territoris en Svizra.
Cun naiv artifiziala pudess l'effect dal stgaudament dal clima vegnir mitigià, hai num en il studi. Lura fissan anc 4% dals territoris da skis periclitads, tar ina stgaudada da dus grads – e 37% tar ina stgaudada da quatter grads.
Il studi ha intercurì 203 territoris da skis en Svizra. Il focus principal dal studi è dentant stà sin l'effect da territoris da skis sin la stgaudada globala. La stgaudada globala fetschia ch'ils territoris da skis stoppian s'adattar, e ch'els emettian uschia puspè dapli gas da serra che chaschuna la stgaudada dal clima.
En l'entira Europa fissan tar ina stgaudada da dus grads e nagina naiv artifiziala – la mesadad dals territoris pertutgads d'ina auta ristga. In'auta ristga muntass ch'i mancass mintga segund onn la naiv.
