Siglir tar il cuntegn

Header

cuntegn

Strategia da vaccinar adattada Persunas guaridas da Covid-19 dovran be ina dosa

La nova strategia da vaccinar detti avunda protecziun ha ditg il president da la Cumissiun federala per dumondas da vaccinar, Christoph Berger, envers il radio SRF. I tanschia da vaccinar suenter sis mais ed i tonschi era da vaccinar be ina giada. I na dovria betg duas dosas. La cumissiun argumentescha sia midada da strategia cun plirs studis scientifics ch'èn vegnids evaluads.
Cun avair gì corona hajan ins in sumegliont effect sco cun l'emprima dosa da vaccin. Quella procuria numnadamein er ch'il corp produceschia anticorpuls. Per augmentar questa protecziun, fetschia dentant senn da tuttina dar ina dosa da vaccin, uschia Christoph Berger.

Per tadlar curt e concis:

Chantuns pon augmentar il tempo da vaccinar

Da l'avrigl fin la fin da fanadur duai la Svizra survegnir almain otg milliuns dosas dals vaccins lubids. Uschia possian ils chantuns sbassar lur reservas per la segunda dosa fin la fin d'avrigl ed uschia augmentar il tempo da vaccinar. Quai ha communitgà il secretariat general dal Departament federal da l'intern suenter ina conferenza da video dal minister da sanadad Alain Berset e la Conferenza dals directurs e da las directuras chantunalas da sanadad. Uschia restia realistica la finamira che tuttas persunas che vulan laschar vaccinar survegnan fin la fin da zercladur almain ina dosa.

RTR novitads 17:00

Artitgels legids il pli savens

Scrollar a sanestra Scrollar a dretga