A la Street Parade ha la polizia da la citad da Turitg segirà in satgados suspectus. Quel cuntegneva attrappas da bumbas. Quai ha communitgà la Polizia chantunala. Dal probabel possessur dal satgados sa tractia dad in Tudestg da 31 onns che vivia en il chantun Argovia. L’um saja vegnì arrestà. Davart ses motiv na dettia anc dettia anc naginas indicaziuns.
Pli gronda festa da techno mundiala
Sonda passada han var 850'000 persunas fatg part da l’occurrenza tradiziunala, la pli gronda festa da techno mundiala. La festa che ha gì lieu quest onn per la 28avla giada è stà sut il motto «Colours of Unity» e vul tenor communicaziun esser ina demonstraziun per l'amur, pasch, libertad e toleranza.
RR novitads 07:30