Per mintga quarta persuna è ina lingua inclusiva impurtanta. Quai mussa ina retschertga davart il diever da la lingua che las gasettas da Tamedia e 20 minutas han laschà far.
Tenor la retschertga èn be 18% da las persunas en Svizra da l'opiniun, che las dumondas davart l'egualitad da las schlattainas è in problem urgent.
Terms problematics anc betg svanids
Er han in terz da las persunas dumandadas inditgà da duvrar per exempel ils pleds discriminants sco «zagrender» u «eskimo». Per questas persunas n’èn ils pleds betg problematics. En regiuns ruralas dettia in’acceptanza pli gronda per tals pleds ch’en citads. La retschertga è vegnida fatga il mars cun var 30’000 persunas.
Or da l'archiv:
En l'episoda 40 da «Ils dus da nus» vegn discutà sur da lingua inclusiva. Co addressar persunas genderqueeras per rumantsch? Elias e Marcus declaran.
