Siglir tar il cuntegn

Header

cuntegn

Studi da l'ETH Turitg Serrar restaurants pli effizient che serrar scolas

Serrar scolas n’è betg propi effizient per cumbatter la derasaziun dal coronavirus. Quai mussa almain in studi da las Scolas politecnicas federalas, sco il «Tagesanzeiger» scriva. Scienziads da la ETH han analisà las mesiras en 20 pajais.

Il pli grond effect fetschia da serrar fatschentas e restaurants. Tenor il studi possia questa mesira impedir radund 20 fin 30% da las infecziuns durant in’emna. Ina medema quota han ils scienziads calculà per restricziuns da lavur, serrar ils cunfins e scumandar occurrenzas.

Il manader dal studi ha dentant avertì ch’ils resultats stoppian vegnir valitads cun precauziun. Memia blers fatgs na sajan anc betg enconuschents.

audio
Per tadlar: Las novitads da las 07:00 uras
ord Novitads dals 25.04.2020. Maletg: Grafica RTR
laschar ir. Durada: 6 minutas 46 Secundas.

RTR novitads 08:00

Artitgels legids il pli savens