Las posiziuns da l’Allianza dal Center, dals verd-liberals e da la PLD èn idas levet a la sanestra ils ultims onns. Quai mussa in studi da l’institut da perscrutaziun Sotomo ch’ha analisà las parolas da votaziuns dals ultims dudesch onns. Il pli ferm saja stà il spustament a sanestra tar l’Allianza dal Center. Tenor l’analisa n’è la partida betg mo sa muvida a la sanestra, ella saja schizunt vegnida damain conservativa. Percunter n'èn las posiziuns da la PS, dals Verds e da la PPS strusch sa midadas tenor l’analisa da Sotomo.
Er la posiziun da la populaziun svizra saja sa spustada a la sanestra en quest temp. Il politolog Michael Herrmann, il mainafatschenta da Sotomo ha declerà envers la Tagesschau che la populaziun haja dapli fidanza en soluziuns statalas e main fidanza en soluziuns dal martgà.
