En la cursa per succeder a Michael Lauber, il procuratur public general ch'è sa retratg – è ina segunda candidatura vegnida enconuschenta. Il procuratur public friburgais Andreas Müller vul surpigliar l'uffizi.
Andreas Müller ha confermà il mardi envers l'agentura da novitads Keystone-SDA in rapport da las medias da Tamedia. El ha 57 onns e lavura actualmain en la partiziun d'assistenza giudiziala da la Procura publica federala. Sco el ha detg envers Keystone-SDA, è el independent da partidas.
Audiziun la mesemna
Dapli infurmaziuns ed ideas en connex cun sia candidatura n'ha Andreas Müller betg tradì. Quai vegnia el a far envers la cumissiun da dretgira, là sa preschenta el la mesemna. Gia vegnì enconuschent era la candidatura dal procuratur public general dal chantun Genevra, Olivier Jornot.
