Il directori da la Banca naziunala svizra ha in nov commember. Il Cussegl federal ha elegì Antoine Martin sco successur dad Andréa Maechler.
Martin è oriund dal Vad e lavura actualmain tar la banca naziunala americana. El entra en uffizi a partir dal schaner e cumplettescha uschia il gremi da trais persunas sper il directur Thomas Jordan ed il vicepresident Martin Schlegel.
Il directori da la Banca naziunala influenzescha la politica monetara svizra examinescha la situaziun dal martgà monetar e cundecida davart il tschains directiv. Gist da curt ha la Banca naziunala decidì da laschar il tschains directiv tar 1,75%
