- Davent da l'onn da scola 2026/27 survegnan uffants en scolina da nov dal TCS ina vesta da segirezza.
- La vesta «Lumi» remplazza il bindel «Triki», ch'ils uffants han nizzegià dapi il 1975 per lur viadi en scolina.
- «Triki» na correspundia betg pli a las pretensiuns actualas da visibilitad durant il di e la notg, uschia il TCS.
La vesta da segirtad «Lumi» correspundia a las normas da segirtad EN 17353:2020, e provedia uschia dapli segirtad da di e da notg. «Grazia a las ladas foras da las varts pon il uffants trair en quellas uschè facil sco in t-shirt», scriva il TCS sin sia pagina d'internet. In bindel elastic da la vart laschia vinavant adattar la vesta a mintga sort da vestgadira, tant la stad sco era d'enviern.
Il vegl bindel «Triki» na correspundeva tenor il TCS betg pli a las normas actualas per equipament da protecziun persunal. Quellas pretendan surfatschas minimalas e visibladad enturn ed enturn. Perquai haja il TCS sviluppà in product che saja tant practic sco era cumpatibel cun las normas valaivlas. Cunzunt saja dada uschia ina meglra visibilitad durant il di sco era la notg.