Glindesdi ha Sulzer annunzià ch'i dat ina midada a la testa. Il CEO Frédéric Lalanne ha annunzià sia demissiun per la fin d'october. Davent da lura surpiglia Suzanne Thoma la direcziun. Cun quai saja la cuntinuitad en la direcziun garantida.
Fatschenta da Sulzer è fermamain dependenta d'export
Medemamain saja da drizzar ora da nov la strategia da l'interpresa. Sulzer è fermamain involvà en la sparta d'energia, industria e chemia. Tranter auter fabritgescha Sulzer generaturs, turbinas e pumpas. La situaziun internaziunala difficila fetschia necessaria midadas tar la strategia.
Suzanne Thoma surpiglia la direcziun operativa almain fin ch'il svilup da la nova strategia è succedì. En l'emprima mesadad dal 2023 vegnia Sulzer ad infurmar davart il svilup da quella.
audio
Per tadlar: las novitads da las 10:00
ord RTR Audio dals 17.10.2022.
laschar ir. Durada: 3 minutas 8 Secundas.
